انكب حظي ولا ادري وش بلاي
ياعذابي من تصاريف القدر
ضعت في دربي وتاهت بي خطاي
زلت اقدامي وحالي في خطر
مع طريق ن بأوله ماشي بهواي
والتوالي مالها عندي خبر
لين زاد اليوم في دربي شقاي
وصرت للممشئ فذا الدرب انجبر
اندفع قدام وألا ارجع وراي
عاجز اهون وعاجز لأستمر
ماوراي امسئ ظلام ن في دجاي
وماأمامي كله اشواك وحجر
مالي ألا ارجع ولو يطفئ سناي
ولو تغيب الشمس ويغيب القمر
علّها توبة وتِنهي لي عناي
إن تقدمت العنا لي مستمر
مير يالله طالبك تدمح خطاي
وتكتب التوفيق لي باق العمر
ياعظيم المللك حقق لي مناي
واسعد ايامي علئ طول الدهر
والفرج لابد عقب الضيق جاي
وكل عسر ن لازم ن يقفاه يسر
#نسيج_ذاكرة _منهكة
#حجاب_الزراقي
ليست هناك تعليقات:
إرسال تعليق